«Әжемнің ертегісі» ертегіні дауыстап оқу шарасы өтті.

«Әжемнің ертегісі» тақырыпта балабақшамызда бүлдіршіндердің танымдық қабілетін арттыру, қиялын дамыту, адамгершілік пен шындыққа тәрбиелеу мақсатында ертегіні дауыстап оқу шарасы өтті.
Ақсай ауылдық огругінің ,Аналар алқасының төрайымы ,кітапханашы Мырзакулова Гүлжан апайымыздың ұйымдастыруымен өткен шарада алдымен «Ерте, ерте, ертеде…» бұрышы жасақталса, халқымыздың ауыз әдебиетіндегі ең бай асыл мұраларының бірі – ертегі туралы кеңінен айтылып, «Қасқыр мен қу түлкі» туралы ертегі тыңдалды. «Еңбекпен тапқан нан» тағы басқа ертегілерді кезек-кезек дауыстап оқып, өзара пікір алмасты. Балалар ертегіні мәнерлеп оқумен қатар, ертегі кейіпкерлеріне дубляж жасауды да көрсете білді.
Сөйтіп халқымыздың асыл мұрасы – ауыз әдебиеті ертегілерін дауыстап оқу арқылы бүлдіршіндер ұшқыр ойын, сөздік қорын шыңдап, кітап оқуға деген қызығушылықтарын арттырды.